Aalto Universiteti, Finlandiyanın paytaxtı Helsinki yaxınlığında yerləşir və 2010-cu ildə üç fərqli universitetin – Helsinki Texnologiya Universiteti, Helsinki İqtisadiyyat Məktəbi və Helsinki İncəsənət və Dizayn Universitetinin birləşməsi ilə qurulmuşdur. Bu universitet mühəndislik, biznes, incəsənət və dizayn sahələrində güclü akademik proqramlar təqdim edir.

Aalto Universitetində çoxşaxəli təhsil mühiti yaradılıb. Burada tələbələr innovativ layihələr üzərində işləyərək real biznes problemlərini həll edir və şirkət nümayəndələrinə təqdimatlar edirlər. Universitet 90-dan çox ingilis dilində magistr proqramı, eləcə də sənət, mühəndislik və biznes sahələrində bakalavr və doktorantura proqramları təklif edir.

Aalto Universitetində davamlılıq və multidissiplinar təhsil bütün proqramlarda əsas prinsiplər kimi vurğulanır. Tələbələr həm də geniş laboratoriyalar və təcrübə mərkəzlərinə çıxış əldə edirlər ki, bu da onların biliklərini praktikada tətbiq etməsinə imkan verir.

Bakalavr təhsilini uğurla başa vuran tələbələr müəyyən magistr proqramlarında təhsilini davam etdirmək hüququna malikdir. Universitetin məzunları Finlandiya və xaricdə müxtəlif şirkətlərdə, qeyri-kommersiya təşkilatlarında və ya sahibkar kimi fəaliyyət göstərirlər.

Əlavə məlumat üçün Aalto Universitetinin rəsmi saytına və ya akademik reytinqlərə baxa bilərsiniz.

Aalto Universitetində bakalavr və magistr proqramları çoxşaxəli və multidissiplinardır. Proqramlar əsasən mühəndislik, biznes, incəsənət və dizayn sahələrini əhatə edir. Aşağıda bakalavr və magistr proqramları ayrı-ayrılıqda verilmişdir.

Bakalavr Proqramları

Aalto Universitetində 8 ingilis dilində bakalavr proqramı mövcuddur:

· Mühəndislik və Texnologiya sahəsində

o Məlumat Elmi (Data Science)

o Rəqəmsal Sistemlər və Dizayn (Digital Systems and Design)

o Kompüter Mühəndisliyi (Computational Engineering)

o Kimya Mühəndisliyi

· Biznes sahəsində

o İqtisadiyyat (Economics)

o Beynəlxalq Biznes (International Business)

· İncəsənət və Dizayn sahəsində

o Dizayn (Design)

Bakalavr təhsilini başa vuran tələbələr müəyyən magistr proqramlarına avtomatik qəbul hüququ qazanırlar

Bakalavr Proqramları üçün tələblər:

1. Təhsil Səviyyəsi: Orta məktəb və ya ekvivalent diplom (məsələn, IB, A-levels).

2. SAT və ACT İmtahanları:

o SAT: Ən azı 1200 bal (Riyaziyyat bölməsi üzrə minimum 650 bal).

o ACT: Ümumi minimum 25 bal, Riyaziyyat bölməsində isə 28 bal.
Bu imtahanlar yalnız IB, EB və ya Finlandiya təhsil diplomuna malik olmayan tələbələr üçün məcburidir

.

3. Dil Tələbləri:

o IELTS: Minimum 6.5 bal.

o TOEFL IBT: Ən azı 92 bal tələb olunur.

4. Əlavə Sənədlər: Motivasiya məktubu, tövsiyə məktubları, portfolio (dizayn proqramları üçün), lazım gəldikdə müsahibə

Magistr Proqramları

Aalto Universiteti 90-dan çox ingilis dilində magistr proqramı təklif edir:

· İncəsənət və Dizayn Məktəbi

o Moda və Tekstil Dizaynı

o Film Rejissorluğu

o Yeni Media üzrə Magistr Proqramı

o Şəhər Araşdırmaları və Planlaşdırma

· Biznes Məktəbi

o Beynəlxalq Dizayn Biznesi İdarəçiliyi

o Kollektiv və Sənaye Dizaynı

· Mühəndislik Məktəbi

o Yaradıcılıq Dayanıqlığı (Creative Sustainability)

o Daxili Arxitektura

o Oyun Dizaynı və İnkişafı

Bu proqramlar tələbələrə praktiki layihələr üzərində işləmək, real problemləri həll etmək və korporativ əməkdaşlıq qurmaq imkanları yaradır

Master Proqramları üçün tələblər:

· Təhsil Səviyyəsi: Uyğun sahədə bakalavr dərəcəsi və akademik transkriptlər.

· Dil Tələbləri:

· IELTS: Ümumilikdə 6.5 bal.

· TOEFL IBT: Minimum 92 bal.

· Əlavə Sənədlər: CV, motivasiya məktubu, tövsiyə məktubları və bəzi proqramlar üçün müsahibə mərhələsi.

· Əlavə İmtahanlar və Portfoliolar: Müraciət edilən proqramdan asılı olaraq tələb oluna

bilər